Press "Enter" to skip to content

വാട്ട്‌സാപ്പ് സന്ദേശം അയച്ചയാള്‍ അറിയാതെ അത് എങ്ങനെ വായിക്കാം?

ഏവര്‍ക്കും അറിയാം ഈ കഴിഞ്ഞ ഏതാനും വര്‍ഷങ്ങളായി വാട്ട്‌സാപ്പില്‍ പുതിയ നിരവധി സവിശേഷതകളാണ് കൊണ്ടു വന്നിരിക്കുന്നത്. ഇതില്‍ ഏറ്റവും പ്രധാനപ്പെട്ട ഒന്നാണ് ‘റീഡ് റെസിപ്യന്റ് ഫീച്ചര്‍’.

വാട്ട്‌സാപ്പ് സന്ദേശം അയച്ചയാള്‍ അറിയാതെ അത് എങ്ങനെ വായിക്കാം?
അതായത് നിങ്ങള്‍ അയച്ച മെസേജ് സ്വീകര്‍ത്താവ് വായിച്ചു കഴിഞ്ഞാല്‍ അത് നീല നിറത്തില്‍ രണ്ട് ടിക്ക്‌സുകള്‍ കാണാം. ഇങ്ങനെ ചിലര്‍ അയച്ച മെസേജുകള്‍ നിങ്ങള്‍ വായിച്ചത് അവര്‍ അറിയണ്ടാ എന്ന് ഒരിക്കലെങ്കിലും നിങ്ങള്‍ ആഗ്രഹിച്ചിട്ടുണ്ടാകില്ലേ. എന്നാല്‍ അതിനൊരു പോം വഴിയുമായാണ് ഇന്ന് ഞങ്ങള്‍ ഗിസ്‌ബോട്ട് എത്തിയിരിക്കുന്നത്.

ഇതിനായി വാട്ട്‌സാപ്പിലെ ക്രമീകരണങ്ങളില്‍ ചില മാറ്റങ്ങള്‍ വരുത്തേണ്ടതുണ്ട്, കൂടാതെ ചില പ്രത്യേക സവിശേഷതകള്‍ ഓഫാക്കാനും കഴിയും. ഇങ്ങനെ ചെയ്താല്‍ മറ്റു വ്യക്തിയും നിങ്ങളുടെ സന്ദേശം വായിച്ചോ ഇല്ലയോ എന്നറിയാനും സാധിക്കില്ല.

ഇതിനായി ഇവിടെ മുന്ന് മാര്‍ഗ്ഗങ്ങള്‍ കൊടുക്കുന്നു.

നോട്ടിഫിക്കേഷന്‍ ബാര്‍ താഴേക്ക് വലിച്ചിടുക

നോട്ടിഫിക്കേഷന്‍ ബാറില്‍, വാട്ട്‌സാപ്പ് നോട്ടിഫിക്കേഷന്‍ വന്നാല്‍ നിങ്ങള്‍ ആദ്യം ചെയ്യുന്നത് ഇതാണ്. ഉടന്‍ നിങ്ങള്‍ നോട്ടിഫിക്കേഷന്‍ ബാര്‍ താഴേക്ക് ട്രാഗ് ചെയ്യുകയും ആരാണ് മെസേജ് അയച്ചതെന്നും നോക്കും. ഇതിലൂടെ ആപ്പ് തുറക്കാതെ തന്നെ മെസേജ് ആരാണ് അയച്ചതെന്നും കൂടാതെ അവര്‍ അയച്ച മെസേജിന്റെ കുറച്ചു ഭാഗം വായിക്കാനും സാധിക്കുന്നു.

സന്ദേശങ്ങള്‍ വായിക്കാന്‍ നിങ്ങള്‍ വൈഫൈ കണക്ഷന്‍ ഉപയോഗിച്ച് ആപ്ലിക്കേഷന്‍ തുറക്കുമ്പോള്‍ മാത്രം രണ്ട് നീല നിറത്തിലെ ടിക് മാര്‍ക്ക് കാണും.

ഏറോപ്ലേയിന്‍ മോഡ്

വാട്ട്‌സാപ്പില്‍ ഒരു വാചക സന്ദേശം എത്തിയാല്‍ ആദ്യം നിങ്ങള്‍ ചെയ്യേണ്ടത്, വാട്ട്‌സാപ്പ് തുറക്കാതെ സെറ്റിങ്ങ്‌സില്‍ പോയി ഏറോപ്ലേയിന്‍ മോഡ് ഓണ്‍ ചെയ്യുക. അതിനു ശേഷം വൈഫൈ കണക്ഷന്‍ ടേണ്‍ ഓഫ് ചെയ്യുക. ഇനി ആപ്പ് തുറന്ന് വാട്ട്‌സാപ്പ് സന്ദേശം വായിച്ചതിനു ശേഷം ഏറോപ്ലേയിന്‍ മോഡ് ഓഫ് ചെയ്ത് വൈഫൈ ഡാറ്റ ഓണ്‍ ചെയ്യുക. ഇതു നല്ലൊരു രീതിയാണ്.

റീഡ് റെസീപ്റ്റ്‌സ് അപ്രാപ്തമാക്കുക

ഇത് നിങ്ങളുടെ വാട്ട്‌സാപ്പ് സെറ്റിങ്ങ്‌സില്‍ തന്നെ ചെയ്യാവുന്നതാണ്. ഇത് ഏറ്റവും ആധികാരികവും ലളിതവുമായ മാര്‍ഗ്ഗമാണ്. എന്നാല്‍ ഇങ്ങനെ ചെയ്താല്‍ നിങ്ങളുടെ മെസേജുകളും മറ്റുളളവര്‍ വായിച്ചോ എന്നറിയാന്‍ സാധിക്കില്ല.

ഇത് എങ്ങനെ ചെയ്യാമെന്നു നോക്കാം:

. ആദ്യം വാട്ട്‌സാപ്പ് സെറ്റിങ്ങ്‌സില്‍ പോവുക.

. അതിനു ശേഷം അക്കൗണ്ട് > പ്രൈവസി എന്നതില്‍ ടാപ്പ് ചെയ്യുക.

. താഴേക്കു സ്‌ക്രോള്‍ ചെയ്താല്‍ Read receipts കാണാം. അത് അണ്‍ടിക്ക് ചെയ്യുക.

. ഇത്രയും ചെയ്താല്‍ മതി.

Copyright © Apps4net - All Rights Reserved
error: Content is protected !!